tja - ég keypti þarna "smá" hlut :/ en þetta áttu að vera leynileg kaup!! Andskotinn - ég kaupi sko ekki aftur í gegnum þennan Sigurbjörn þarna hjá Kaupþing - getur greinilega ekki þagað yfir svona yfirtökuleyndarmálum. Annars þá finnst mér frábært hvað þið eruð dugleg að skrifa - það er nokkuð ljóst að Snæbjörn og Rafn ætla að sjá um slúðurhornið og það er nokkuð ljóst að hver og einn verður að taka upp hanskann fyrir sitt eigið rassgat og ég hvet fólk til þess. Jæja, ekki þýðir að blaðra hér í allan dag - skattayfirvöld heimta að vita allt um mína pjéninga!! Ég skil bara ekki hvurn djöfulinn þeim kemur það við hvað í andskotanum ég geri við mína aura, hvað ég á mikið af þeim (eða lítið) eða hvaðan ég fæ þá. Helvítans helvíti.
Annars lýsi ég eftir sönnum sögum frá fólkinu sjálfu - baaaaaara svona hvar það er í heimum og í hvaða vitleysu það eyðir deginum! Það er alveg ljóst af þessu blóki að Snæbjörn eyði sínum ævidögum í að pára hingað inn ;)

Ég er líka með nokkrar sögur.
Eftir að Kristbjörg flutti til Færeyja fór hún að æfa Kickbox. Það sem knúði hana til þess voru miklar deilur sem hún lenti í við heimamenn sem viðurkenndu ekki kenningu Freuds um sogþörf karlmanna. Þegar hún var búin að æfa í nokkra mánuði tók hún eftir breytingum á líkama sínum sem hún var svo ánægð með að hún ákvað að fara í vaxtarrrækt. Hún er í dag Eysturoyarmeistari í vaxtarrækt sem er virtsti vaxtarræktartitillinn í Færeyjum.
Af Sólveigu er það að frétta að hún flutti aftur til Suðureyrar. Hún keypti lítinn bát sem hún huggðist búa í og fékk fyrir slikk því hann var kvótalaus. Hún fékk úthlutað byggðakvóta sem hún seldi strax. Aftur fékk hún úthlutað byggðakvóta en hún seldi hann líka. Þar með var hún orðin einhver auðugasti einstaklingurinn á Suðureyri. Síðast fréttist af henni þar sem hún var að reyna að fá nafni bæjarins breytt í Eyrareyri. Gárungar telja að henni takist það í krafti auðs síns.
Jóhanna gerðist tískuljósmyndari og fékk nýlega birta sína fyrstu myndi í Vogue (eða Hjemmet eða hvað það nú var) sem var af Elsu í Tiger búningi. Allavega virtist þetta vera Tiger búningur, en gæti þó hafa verið Zebra búningur en það sást ekki nógu vel því myndin var svarthvít. Elsa er víst farin að sérhæfa sig í módelstörfum þar sem hún kemur eingöngu fram í dýrabúningum.
Sigurbjörn var handtekinn í Bandaríkjunum fyrir tölvuhakk. Hann var dæmdur en fékk að afplána dóminn á Íslandi svo framarlega sem hann kæmi hvorki nálægt tölvum eða símum næstu 10 árin. Því þykir furðulegt að sjá hann blogga hér. En við sem þekkjum Sibba vitum að hann lifir fyrir þetta rugl.
Kristín var á Interrail ferðalagi um Evrópu þegar hún frétti af því að draumaprinsinn Val Kilmer væri í Póllandi við tökur á myndinni Salton Sea. Hún var ekki lengi að bregða sér í næstu lest á vit örlaganna. Hún kom við í Búlgaríu og datt þá það snjallræði í hug að hitta félaga sína úr lyfjafræðinni sem eru að vinna í Pharmaco þar í landi. Þar fékk hún einhverja lyfjaafganga sem hún blandaði saman í ofskynjunarlyf og hélt svo af stað til Póllands. Eftir nokkurra daga spennuþrungna leit rakst hún á Val Kilmer (eða Killa eins og hún kallar hann) á netkaffihúsi í Mazowsze. Meðan hann skrapp á klósettið laumaði hún ofskynjunarlyfinu í drykkinn hans. Hún er ein til frásagnar um það sem gerðist næst en getgátur eru uppi um að hún hafi nýtt sér ástand hans til afbrigðilegra athafna. Hún komst að því daginn eftir að það hafi verið óþarfi að byrla honum ólyfjan þar sem hann hefði verið til í tuskið hvort sem var. Í dag á hún tvíbura sem hún skírði Chris Kilmer og Teen Kilmer. Val Kilmer afneitar börnunum og kærastinn hennar er víst ekki sáttur.

Þetta er bara hreinasta bull um meirihlutann í Sorpu - þetta er bara eitt stórt samsæri og hananú! Annars hleypti ég Helgu Jóns hingað inn til okkar og ég er komin með netfang Telmu - við bíðum því spennt frétta af þeim!! Ég lýsi enn eftir netfangi ÓBÓ, Ragga, Jóa, Helgu Kjartans og Hildi Þórarins!! Hummm - nú skil ég ekki neitt í neinu, það sem ég skrifa kemur bara ekki neitt :( Humm, hummmmmmmmmmmmmmm........

hi hi - gott að fá þetta staðfest Sibbi! Þá er það bara spurning hvort óléttan hennar Telmu hér um árið hafi verið þjóðsaga??? Luma kannski e-rjir á sönnum sögum? Annars ætlaði ég bara að hrinda af stað partýhugmyndum fyrir reunionið - munið bara að þröngt mega sáttir sitja :) :)
Svo eru allar hugmyndir um allt og ekkert vel þegnar - ættum við að búa til e-a bekkjarbók, hafa mat í partýinu, út að borða fyrst, búa til "jubileum-disk" með ljósmyndum og "gömlum" slögurum, bjóða kennara/kennurum í partýið, merkja single liðið svo það eigi auðveldara um vik ;) Eða hvað - það hlýtur að vera e-ð að brjótast um í ykkur!!!

úpps - ég gleymdi að þakka þér líka Snæbjörn!! Ég tók þig fyrir Sibba ;) döööööö Svo líka ef þið eruð með heimasíðu þá endliega krækja henni hingað inn :) :)

Jæja - þá er ég búin að senda á alla (sem voru í minni netfangaskrá) nýjar leiðbeiningar um það hvernig hægt er að vera með í þessu blóki undir eigin nöfnum - en ekki fela sig bak við mitt ;) Um leið og e-r veit e-ð um Óbó, Hildi Þórarins, Telmu, Ingvar, Ragga, Jóa eða Hildi Eiríks sendið mér þá netfangið svo þau geti verið með! Gaman að heyra frá ykkur Sibbi og Jónas! Já, á meðan að ég man - það verður alveg frjálst með maka, þið megið drösla þeim með ef þið viljið :)

Hæ öll sömul, ég verð að viðurkenna að ég hlakka mikið til þessa reunions. Þetta verður örugglega mjög gaman. Langt síðan allir hafa sést og svona....
Jónas

Ég var að fatta að ég gleymdi að kvitta undir skilaboðin hér að neðan.
kv. Snæbjörn

Jæja kæru bekkjafélagar. En hvað tæknin er farin að bjóða uppá skemmtilega hluti.
Ég verð að segja að þegar ég sá Óbó í símaauglýsingunni þá fór ég að sakna gömlu góðu daganna úr MR. Það fyndna við þessa auglýsingu er að þessi karakter er ekkert svo ólíkur Óla sjálfum.(Eins og hann VAR alla vega. Ég hef ekki hitt hann í nokkurn tíma.)
Jæja, er ekki annars góð stemning fyrir þessu?

Jæja kæru herramenn og ungfrúr!! Nú hefur verið ákveðið að jubilera föstudagskvöldið 6.júní 2003 (eða 6/6 ) og munu allar nánari upplýsingar verða settar hingað inn eftir því sem þær koma og svo sendi ég auðvitað tölvupóst á alla. Annars er bara um að gera að láta ljós sitt skína, gerast "blækur" og byrja "blóka" (þýðirngar teknar af: http://www.hi.is/~bmk/). Hlakka til að heyra í ykkur!! Sonja